വൈകുന്നേരം 4 മണി മുതൽ

ആചാര്യൻ – മുല്ലപ്പള്ളി കൃഷ്ണൻ നമ്പൂതിരിപ്പാട് 

ഭാരതീയ സംസ്കൃതിയുടെ അടിസ്ഥാനം വേദങ്ങളും ലക്ഷ്യം ഈശ്വരസാക്ഷാത്കാരവു മാണല്ലോ.
ഈശ്വരസാക്ഷാത്കാരത്തിനായുള്ള പ്രധാനപ്പെട്ട മൂന്ന് വഴികളാണ്
കർമ്മ – ജ്ഞാന – ഭക്തി മാർഗങ്ങൾ. ഇവയിൽ,
ഭക്തിമാർഗ്ഗം കൂടുതൽ ലളിതമായതിനാൽ സാധാരണക്കാരനെ സംബന്ധിച്ചിടത്തോളം കൂടുതൽ പ്രായോഗികമാണെന്ന്
പറയാം.
“സാചാfസ്മിൻ പരമപ്രീതിരൂപാ” [ശ്രീനാരദ ഭക്തി സൂത്രം] ജഗദീശ്വരനിൽ നമുക്കുണ്ടാവുന്ന പ്രീതി അഥവാ സ്നേഹമാണ് ഭക്തിയെന്ന് പറയുന്നത്. ഭഗവത് കഥകളുടെയോ സ്തോത്രങ്ങളുടെയോ ശ്രവണം, കീർത്തനം, സ്മരണം, തൃപ്പാദ സേവനം, പൂജ, വന്ദനം, ഭഗവദ്ദാസനാവുക, സൗഹൃദ ഭാവം, ആത്മ സമർപ്പണം എന്നിവ ഉൾപ്പടുന്ന ഭക്തി യോഗത്തിലെ ഒമ്പതു മാർഗ്ഗങ്ങളും സമഞ്ജസമായി സമ്മേളിപ്പിച്ചു കൊണ്ട് സർവ്വാഭീഷ്ട സിദ്ധിക്കും സർവ്വൈശ്വര്യത്തിനും രാഷ്ട്ര രക്ഷക്കും ലോക ക്ഷേമത്തിനും വേണ്ടി നടത്തുന്ന വിശിഷ്ടമായ ഒരു താന്ത്രിക സപര്യയാണ് ശ്രീമഹാ ശ്രീചക്ര നവാവരണപൂജ .
ആലുവ തന്ത്ര വിദ്യാപീഠം അദ്ധ്യക്ഷനും താന്ത്രികാചാര്യനുമായ ബ്രഹ്മശ്രീ മുല്ലപ്പള്ളി കൃഷ്ണൻ നമ്പൂതിരിയുടെ മുഖ്യകാർമ്മികത്വത്തിൽ സംഗീതാർച്ചന, നൃത്ത സമർപ്പണം വേദ സൂക്താർച്ചന എന്നിവയോടെയാണ് ശ്രീമഹാ ശ്രീചക്ര പൂജ നടക്കുന്നത്.
പൂജയുടെ ഉപഹാരസമർപ്പണത്തിൻ്റെ ഭാഗമായി നടക്കുന്ന സംഗീതാർച്ചനയിൽ,
ഭാരതീയ സംഗീതലോകത്തെ പരമാചാര്യപ്രമുഖമാരിൽ ഒരാളായ ശ്രീ മുത്തുസ്വാമി ദീക്ഷിതരുടെ ശ്രീ ചക്ര നവാവരണ കൃതികൾ ആലപിക്കുന്നത്
സംഗീത വിദ്വാൻ ബ്രഹ്മശ്രീ കാസർഗോഡ് യോഗീശ ശർമ്മയാണ്.
അഭീഷ്ട കാര്യ സിദ്ധിക്കായി, മഹാശ്രീചക്രനവാവരണപൂജ വഴിപാടായി കഴിക്കണന്നാഗ്രഹിക്കുന്ന ഭക്തജനങ്ങൾ മഹാമഘ നിർവ്വഹണ സമിതിയുമായി ബന്ധപ്പെടേണ്ടതാണ്.