തമിഴ്‌നാട്ടിലെ ഉഡുമൽപേട്ടയ്ക്കടുത്തുള്ള തിരുമൂർത്തിമലയുടെ അടിവാരത്തുനിന്നും ശ്രീചക്രപൂജ കഴിഞ്ഞ മഹാമേരുവുമായി രഥയാത്ര ജനുവരി 19 ന് രാവിലെ ആരംഭിയ്ക്കും.
ജനുവരി 22 ന് തിരുനാവായയിൽ എത്തുന്ന ഈ മഹാമേരുവിനടുത്ത് ഒരു കെടാവിളക്ക് ഉണ്ടായിരിക്കും.
കേരളത്തിലെ എല്ലാ ക്ഷേത്രങ്ങളിൽനിന്നും കുടുംബക്ഷേത്രങ്ങളിൽനിന്നും കാവുകളിൽനിന്നും സംഘമായി നയിക്കുന്ന ദീപപ്രയാണങ്ങൾ തിരുനാവായയിൽ എത്തി, ഈ കെടാവിളക്കിൽ അതത് ദേശത്തെ കാവുകളിലെ ദീപ,ദേവചൈതന്യത്തെ ലയിപ്പിയ്ക്കും.

അതിനുശേഷം സ്വദേശത്തേയ്ക്ക് മടങ്ങിപ്പോകുന്ന സംഘങ്ങൾ ഓരോ ആലിൻതൈ സ്വന്തം ദേശത്ത് നട്ടുപരിപാലിയ്ക്കാനാണ് പൊതുവായ തീരുമാനം ഉണ്ടായിരിയ്ക്കുന്നത്.

ഈ ആലിൻതൈക്ക് ആദ്യമൊഴിയ്ക്കേണ്ട വെള്ളം മാഘമാസത്തിലെ ഊർജ്ജം നിറഞ്ഞുനിൽക്കുന്ന ഭാരതപ്പുഴയിലെ തീർത്ഥമാണ്.
ഈ ആലിൻതൈയുടെ വളർച്ചയും പുഷ്ടിയുമാണ് ഞങ്ങളുടെ ദേശത്തിൻ്റെ ക്ഷേമം എന്ന സങ്കല്പത്തിൽ, സംഘങ്ങൾ ഈ ആൽവൃക്ഷത്തെ സംരക്ഷിയ്ക്കേണ്ടതാണ്.

അതായത്,
ദേശത്തെ ദേവതാചൈതന്യത്തെ ദീപത്തിലൂടെ തിരുനാവായയിൽ എത്തിയ്ക്കുന്നു,
ഭാരതപ്പുഴയിലെ പുണ്യജലവും ഒരു ആലിൻതൈയുമായി മടങ്ങുന്നു,
സമസ്തദേവതകളുടെയും ചൈതന്യത്തെ അതത് ദേശങ്ങളിൽ എത്തിയ്ക്കുന്നു.

പുണ്യസ്നാനങ്ങളിലൂടെ,
പുണ്യവൃക്ഷങ്ങളിലൂടെ,
പുണ്യപ്രവൃത്തികളിലൂടെ
നമ്മൾക്ക് സമൂഹത്തെ ശക്തരാക്കാം.